Credit Crisis from A TaPooRi PersPective :) (Part 1)

We are amidst the biggest financial and economic crisis since the Great Depression of 1930.....
Generally speaking, we are in historic times as such an event generally takes place only once in a 100 yrs.....(can u actually believe that :O !)

I am pretty sure no one who was born during the Great Depression is in a working condition today :) ....(personally don't know any 85 yr old's working today !)

Am sure most of you must have watched Munna-Bhai MBBS……So, carrying on from the same patented Indian TaPooRi style lingo, here is my version of “Circuit” explaining the credit crisis to “Munna bhai”

Part 1:

Munnabhai: Aye Circuit, kya rey, dhanda ekdum solid manda hogela hai. Hafta mangne jaata hai, tho public bolta hai, “naukri nahi hai bhai”, "dhanda nahi hai bhai" ….apun ko halfta lene mein saala “guilty feeling hota hai”……saala apun itna paper mein padhta ki mandi chal rela hai…dhanda doob rela hai….bada bada seth log haath upar kar-rela hai, naukri-chokri-tokri ka band-baj rela hai. Saala apun ko kuch samaj mein nai aarela hai. Circuit, tereko pata rehenge, saala Dalal Street ke paan-paati wale gaali mein hafta vasuli karneko dus saal se baithtai naa tu…..Tereko tho rojich ye sab dikta rehenga....... kayde se samjha apun ko !

Circuit: Fikaar not bhai…..Kya hai, dus saal, vho Dadal-Ish-Street ke paan paati vali gaali mein baithke apun ne jhak nahi maara...! Bole tho degree-vegree nahi rehenga apun ke pass lekin, MBA-BIM-B-A tho takkar de sakta hai bhai :) ...

Dalal-ish-Street mein baithke dhanda karne wale naa bhai, bole tho "satta khor" (English mein bole tho Trader) hote hai. Aap-Apun jaise Ghoodon (horse) mein saniwar-mangalvar matka nahi lagate. Ye log tho ekdum "shair markit" mein karodon ka satta khelte hai.....chintu-pintu nahi samajneka in bhai logon ko. Isliye tho kitne saalon se dadal-ish-street ka "hafte ka galla" solid chal rela tha bhai....! Lekin, kya hua "Abhi ke solid mandi ne in "saattakoron" ki bhi pungi baja daali bhai".

Apun samjha-ta-hai kya hua….Bhai bole tho, "Ekum locha ho-gaya....!"...."Saala, Amrica ke banks mein baithe hua bada-bada paise wala gora-chamdi wale PUNTURO-NE khud rokda kamane vaste akkha duniya ke dhande hi vaat laga dali....Bole tho TOTAL FULL-is-STOP laga dala bhai !"

Munnabhai: “Aila….Aisa kya” Kya boltai….Apun ko pata tha, ye saala American, itna phudakte rehta hai ki ekdin saala khud tho dubega aur khud ke saath akkha duniya ko apne saath leke doobenga…… Tho suna egg-zactly ye karnama kaise hua…..!

Circuit: Bhai bole tho…..Akkha duniya, udhari pe chalta hai……(English mein bole tho “Credit”)…..Aur udhari mein, aap vishwas nahi karoge “American udhar mein bhi No-1 hai bhai”……ye gora puntur….jitna paise ka style maarta hai…..Mercedes, BMW, Mehenga-mehenga mobile, mehenga suit-boot pehenke mast chikni chokri ko baggal mein rakhke ghoomte raita naaa, saala utna-ich Upar se Neeche tak ekdum UDHARI mein doobela rehtai bhai……Saala kabhi kabhi tho “inki Chaddi” bhi udhari ki hoti hai bhai…..Abhi kya hua naa, itna natak hone ke waste, suit-boot tho chodo, “Chaddi” bhi utar gaili hai bhai...!

Ye pura natak jo hai naa bhai, do cheezon ke wajah se hua....

Pihila tho: Sarr ke upar udhari

Aur doosra: Ghar aur Zaameen.

Bhai, aap-ich socho, duniya mein ab tak jitna bhi locha hua , sab kuch aakhri mein "ghar aur zaamen" mein aakar-ich atakta hai. Saala, bhai-bhai ko thokta hai....kai ke liye "zaameen ke liye-makaan ke liye"....ye, purane zaamane ka bahut saara raja-maharaja roj ek doosre ko thok-neka, aap ich sochon kyun....Simple....."zaameen ke liye" aur kabhi kabhi "item" ke liye...! India-Pakistan ka kabse itna locha chal-rela hai ! Kai-ke-liye, phir se "zameen ke liye"

Munnabhai: Aila Circuit, tera tubelight ekdum petne laga bidu :) Kya baat hai :)

Circuit: Hehe bhai....Tho bhai aap socho, jab akka country saala "udhari" mein naachenga tho ek na ek din tho nasha utrenga-ich naa :)

Tho ye Bank ka bada bada-puntur logon ko ekdum style mein rehneki charbi chad gaili thi. Fir, thodi unke ulti khopdi ko idea aaya…..! Aap poocho kya….!

Munnabhai: Kya ?

Circuit: Hushaar khopdi ne dimag ladaya ki “aakha zindagi mein Makaan ke bhaw (bole tho cost) kabhi nahi girta”. Aap-ich socho bhai. “Pichle 30 saal se Mumbai mein jab “jhopadpaatti ke bhaw nahi gira, tho saala makaan ka kya khaakh girenga”…..Bole-tho idea ekdum solid tha bhai….Gora Puntur-ron ko apun maan gaya bhai. Unho-ne dimag ladaya ki “Apun aaj se maakan aur zameen ke vaste andha-dhun udhari baatenga”….!

Saala “bhikari ho yaa seth” agar “makaan” chahiye tho apun usko “bula bula ke paisa batenga”…..

Munnabhai: Circuit, Bhikari ko bhi paisa batenga ????

Circuit: Bhai bole tho “udhar aakhaa public-ich bhikhari hai” ...saaare ke saare ekdum naak tak udhar mein doobe-le hai…jab apun bhikhari boltai tho apun ka ye matlab ki “chindi khor”

Matlab, vaasuli ke time pe jiska haath upar karne ka full scope….vho-ich udhar ka "bhikhari" hai bhai….

Munnabhai: Aisa kya….Tho Circuit, apun ko samjha ye Amrican puntur ko dimag nahi tha kya ki “bhikhari” ko bula bula ke paisa denga….

Circuit: Ye-ich tho Idea hai bhai “bhikari ko ghar ke vaste paisa baatenga vho bhi accha sood (interest) lekar….tho bhikari, jhopadpatti se flat mein rehna chalu karenga....Vho bhi khud ki aukaad bhooolkar standard mein style marne lagen-ga…....Chindi chor form mein aake paanch dus hafte bhi denga...aur jab finally haath upar karenga....tho apun ka shana Putur "Ghar" par kabza karenga aur jyada bhaw mein bechenga.....Bole tho, dono side se profit-ich-profit bhai ! Hai naa solid idea bhai ! :)

(to be continued in Part 2)